Töfrasteinn

Nýtt blogg

Mon, 18 Jun 2007 12:43:46 GMT

Hellu, ég ákvað að skipta um blogg. Ég kíkti á aðra bloggsíðu og sá að hún er mikið betri svo að ég ákvað að skipta. Sjáum hvað setur :)

Hérna er linkurinn

http://talkshow.bloggar.is/

á leið til útlanda

Sun, 20 May 2007 22:22:06 GMT

jæja, þá er komið að því. eftir 6 tíma, eða kl 03.30 þá þurfum við að vera komin á fætur til að taka flybus úta keflavíkurflugvöll. áætlaður ferðalagatími er 15 tímar ef maður telur með þessa 2 tíma sem við stoppum í kaupmannahöfn. það er viss spenna í loftinu allir búnir að vera að telja niður og sona;) áætlaður heimkomudagur er 4 júní, er samt ekki alveg á tæru því að sumir segja 5 júní, þannig að það verður bara að koma í ljós.

en í gær var útskriftin hans ástþórs og elstu meðlimir grundarfjölskyldunnar ákváðu að bjóða okkur út að borða og með voru grundarfjölskyldumeðlimir. við fórum út að borða á ítalíu og það var mjög gaman:) eftir það fórum við í party til fordparsins og þar var fullt hús af skemmtilegum útlileigumeðlimum. við ákváðum svo að skella okkur í bæinn og kíkja á dansistað útileigumeðlimana þ.e.a.s hressó. Við entumst ekki lengi þar og stefnan var tekin heim í bælið um 04.

allt á fullu

Thu, 17 May 2007 22:30:44 GMT

hellu, í gær byrjaði ég í nýju vinnunni minni og leist voða vel á :).. ég verð sem sagt í deild sem heitir úrvinnsla og er svona pjura skrifstofujobb... en ég held samt að þetta verði mjög skemmtilegt því að stelpurnar sem eru að vinna með mér eru allar mjög hressar og mikið hlegið. á vinnustaðnum vinna 50 konur og 1 karlmaður. hvað segja kvenremburnar núna;)..

þar sem að í dag er frídagur þá var stefnan tekin á litla heita laug rétt hjá sólheimum og hún heitir því skrítna nafni hraunalaug... eða hraunalaugalaug... hmm, það skín í gegn að ég man ekki hvað hún heitir, en jæja. hún var voða sæt og með svona mannagerðu kari sem var víst upphaflega ætlað fyrir kindur að baða sig. tilgangurinn með því er ekki alveg á tæru en eflaust hefur hann verið einhver.

á laugardaginn þá er útskriftardagurinn mikli.. ég ákvað að fara ekki eftir skoðanakönnuninni og gefa ástþóri bók um hekl heldur þá keypti ég svona myndabók:)

svo verð ég að segja frá því að hann bjarni kallinn fékk skoðun á þriðjudaginn... stór dagur í lífi hans. nottla búið að vera að reyna að koma honum í gegnum skoðun síðan það var klárað að smíðann.

ferðalag

Mon, 14 May 2007 17:27:53 GMT

jæja, ferðalagið var aðeins lengra en 2 dagar og við komumst að því að það búa engar mýs í grundinni. við fórum í hólminn síðasta mán og þá byrjaði letilífið. við fórum í þessa fínu grillveislu hjá h-unum 4 og lágum svo bara í pottinum í sólbaði þess á milli. þegar ég kom í bæinn biðu mín þau skilaboð að mín væri vænst í annan flottan pott í prestabústaðnum í úthlíð. þangað var stefnan tekin á honum bjarna mínum, sem ég vonaði að myndi vekja mikla lukku hjá dömunum. sem hann gerði:).. berta og anna sigga urðu alveg yfir sig hrifnar og við ákváðum að fara í bíltúr á honum á selfoss og þar byrjaði gamanið. berta og anna sigga voru næstum því búnar að ná sér í sköllótan strák með yfirvaraskegg og allt honum bjarna að þakka:)... þegar bústaðaferðinni lauk þá rauk ég í bæinn á bjarna og komst að því að mín væri vænst aftur í hólminn, þar sem að biði mín júrósvísjón party..... eða kosningavöku party.. það mátti ráða og við völdum auðvitað kosningavökuparty en entumst ekki nógu lengi því að við fórum að sofa þess fullviss að ríkistjórnin væri fallin.

og svo lögðum við af stað úr hólminum á sun kvöldið og komum við í vindheimum, sæta litla rafmagnslausa sumarbústaðnum með grasþakinu og gistum þar fram á mán og brunuðum í bæinn... með viðkomu á hyrnutorginu þar sem ég og ástþór fórum í keppni um hvort okkar gæti fundið ódýrustu máltíðina.. og ég vann :)

djamm, djús og steinar

Mon, 07 May 2007 00:18:47 GMT

við kíktum í ammli til hennar olgu í gær. stelpan er orðin 26 ára. við höfðum áhyggjur af afmælisgjöfinni sem við ætluðum að gefa henni en svo þegar við komum í ammlið þá sáum við að þær áhyggjur voru óþarfar. stúlkan sú hafði fengið 2 grjót í afmælisgjöf, innpökkuð í sárbindi. þetta voru svosem ekkert venjuleg grjót því að þetta voru 2 flottustu grjótin í baulu, valin sérstaklega í þessa afmælispakka.

við urðum nottla að skála með henni og fengum okkur nokkra bjóra og svo var förinni heitið niður í bæ... þar sem ég gafst upp á risa röðum og rölti heim í bælið.

stykkishólmur here i come

Mon, 07 May 2007 00:09:13 GMT

jæja, í fyrramálið á að leggja í hann. áætlað ferðalag fyrir um 8 mánuðum síðan er loksins að verða að veruleika. við ætlum að bruna uppí stykkishólm og vera þar í ca 2 daga í litlu húsi sem heitir grundin. þar búa aðeins nokkrar mýs. grundin er litla húsið í stykkishólmi sem er laust fyrir alla fjölskyldumeðlimi grundarfjölskyldunnar. það verður þægilegt að slappa af í ca 2 daga og leika við mýsnar sem eru eflaust búnar að finnar sér eitthvað að naga. og svo ætlum við auðvitað að heimsækja h- fjölskylduna í hólminum... þ.e.a.s háin fjögur. þau eru einnig meðlimir í grundarfjölskyldunni.

ég var að klára vinnuna uppí sundlaug, og fer þangað ei meir. núna ætla ég að einbeita mér að nýju 8-16 vinnunni minni í sumar á ferðaskrifstofunni og njóta allra helganna sem ég mun eiga frí hér eftir. stefnan er tekin á útileigur og jeppaferðir allar helgar í sumar, og ef heppnin eltir okkur þá munum við verða eigendur af sætri blárri skútu sem heitir frekja... og sigla alla hina dagana í sumar. jibbí.

og tæland... brottför eftir 14 daga. get barasta ekki beðið.